Իմիջմեյքերը պետք է մարդաբանի շնորհով օժտված լինի, քանի որ կոչված է մարդկանց ուսուցանել մարդասիրաբար վերաբերվել ուրիշ մարդկանց, ինքնուրույն բացահայտել իր անձնական-գործարար ներուժը:
«Հաջողություն ունենալու համար պետք է իմիջմեյքերական տաղանդով օժտված լինել,-նկատում է Շեպելը,-քանի որ դիպչել մարդուն, ձեւավորել նրա կերպարը -գեղեցիկ է, բայց շատ պատասխանատու, իսկ դրանով կարող են զբաղվել միայն արտասովոր անձիք եւ իսկական պրոֆիները, որոնք գիտեն, թե ինչպես վեր հանեն անձի լավագույն որակները:
Անհրաժեշտ որակներ ունեցող իմիջմեյքերը կարող է արդյունավետ կատարել իր պարտականությունները, այսինքն՝ պրոֆեսիոնալ գործունեությունը, եթե պարզ պատկերացում ունենա նպատակին հասնելու միջոցների ու մեթոդների մասին:
Իմիջակիրը այն մարդն է, որի հոգեբանության մեջ իր ընկալած իմիջաձեւավորման տեղեկատվության հիման վրա ձեւավորվում է նախատիպի կերպարն ու կարծիքը, այսինքն՝ իմիջը: Իմիջակիրների խումբը կոչվում է իմիջի լսարան:
Քաղաքական իմիջի ձեւավորումը ընթացակարգ է՝ ուղղված մարդկանց մեջ իմիջի օբյեկտի որոշակի կերպարի ստեղծմանն ու այդ կերպարի որոշակի գնահատականի, այդ կերպարի մասին կարծիքի: Ձեւավորումը պետք է սկսվի իմիջի ներկա վիճակի հետազոտությունից:
Հետազոտությունը պետք է կատարվի փուլերով. իմացաբանական, կառուցվածքա-նախագծային, կազմակերպչական եւ հաղորդակցական:
Առաջին՝ իմացաբանական փուլը, որի շրջանակներում կատարվում է քաղաքականության սուբյեկտի իմիջի ձեւավորման խնդրի իրավիճակային բազմակողմանի վերլուծությունը: Քաղաքական գործչի դրական կերպարի առաջնային բաղադրիչները հանդիսանում են սոցիալական խմբերի՝ նրա քաղաքական դերի ակտիվ ներգործության մասին պատկերացումները: Ամբողջությամբ վերցրած հենց այդ պատկերացումներն են ձեւավորում քաղաքական գործչի հաջողության մասին կարծիքը:
Երկրորդ՝ կառուցվածքա-նախագծային փուլը, ենթադրում է քաղաքական գործչի դրական իմիջի ձեւավորման որոշակի ռազմավարություն:
Փորձարարական հետազոտությունների արդյունքում ի հայտ են եկել դրական իմիջի ձեւավորման ավելի ընդհանուր ռազմավարությունները.
դրական իմիջի բովանդակային եւ կառուցվածքային տեսակետները.
- վարքագծի նորմեր (ստանդարտներ), որոնց պետք է ենթարկվի անձնակազմը.
- նպատակային սոցիալական խմբերը, որոնց համար էլ հենց ձեւավորվում է իմիջը.
- կայուն դրական կերպարի ձեւավորման ուղիներն ու միջոցները.
- հաղորդակցման սկզբունքներն ու խնդիրները, դրանց միջոցների ու մեթոդների ընտրությունը.
- իմիջի մասին տեղեկատվությունների էությունը.
- իմիջի բացասական ընկալման հաղթահարման միջոցները.
- մրցակիցների չեզոքացման ուղիները.
- չնախատեսված անբարենպաստ հանգամանքներում ճկունություն դրսեւորելը.
- ստացված արդյունքների վերլուծության մոտեցումները:
Երրորդ՝ կազմակերպչական փուլը, որի ընթացքում իրականացվում է ռազմավարությունը: Դրան զուգահեռ ընթանում է քաղաքականության սուբյեկտի իմիջի ձեւավորման ծրագրի մշակումն ու պլանը, որոնք ռազմավարության առանցքային բաղադրիչները (տարրերը) հարմարեցնում են իրականությանը: Ծրագրի հիմքի վրա մշակվում է գործողությունների կոնկրետ պլան: Ի տարբերություն ծրագրի, որտեղ գրանցվում են վերջնական արդյունքի հասնելու միջոցները, պլանը ավելի շատ ուղղված է վերջնական արդյունքի որոշակիացմանը:
Չորրորդ՝ հաղորդակցական փուլը կայանում է ծրագրի եւ քաղաքական գործչի իմիջի ձեւավորման պլանի իրականացման գործընթացում հոգեբանորեն գրագետ շփումների ստեղծումը: Քաղաքական համակարգում եւ ընդհանրապես հասարակության մեջ փոխհամագործակցությունը կարող է կատարվել ուղղակի եւ միջնորդավորված ձեւով. 1) իրար հետ մարդկանց անմիջական շփումներով, 2) տեղեկատվության եւ նամակների տեքստերը հաղորդակցության միջոցներով տարածելով: Յուրաքանչյուր հաղորդակցության ժամանակ կարելի է առանձնացնել լսարանը, տեղեկատվության ալիքները, հաղորդագրությունը, հեռարձակողին, ինչպես նաեւ կոնկրետ գործողությունների անմիջական իրագործումը:
Քաղաքական գործչի իմիջի ձեւավորումը, գործունեությունը եւ հարաբերությունները ենթադրում է ռազմավարական խնդիրների մշակում, տեխնոլոգիաների եւ տեխնիկայի ընտրություն, իմիջաձեւավորման ընթացքում այդ պոտենցիալի կիրառումը:
Քաղաքական իմիջի ձեւավորումը կարող է ինքնաբերաբար լինել, այսինքն՝ չնախատեսված, ինչպես նաեւ նպատակային ու նախատեսված: Որոշ հեղինակներ իմիջի ձեւավորումը դիտում են միայն որպես նպատակաուղղված գործընթաց, դրանով ժխտելով, բացի իմիջմեյքերի կամքից, հաճախորդի հնարավոր ազդեցությունը իմիջի ձեւավորման գործում: Դա կարեւոր հարց է. եթե ընդունենք, որ իմիջը կարող է ձեւավորվել միայն նպատակաուղղված գործողությամբ, այդ դեպքում չկա այն հարցի պատասխանը, թե՝ «Ինչպես է ստացվել, որ նրա մասին շատ վատ կարծիքի են, մինչդեռ այդպիսի իմիջ մենք չենք ձեւավորել»:
Այսպիսով իմիջմեյքերը կամ հասարակության հետ կապերի մասնագետը հնարավորություն ունի բոլոր փուլերում ազդել քաղաքական գործչի իմիջի նպատակաուղղված ձեւավորման խնդրի վրա, ինչպես նաեւ պատասխանատվություն է կրում դրա արդյունավետության համար:
ԳՐԱՌՈՒՄ 
Leave a comment